روايه جرحني وصار معشوقي

.
.
.
***********

انصدمت لماسمعت صوته الحاد:خلصتي..

لفت وحست بالخوف يسري بجسدها لماشافت نظرته ..بس سرعان ماتحول شعورها لكره
لأنه حطم كل شئ في حياتها
وسلب منها السعاده اللي ماحست فيها من تزوجته..

سحب منها الجوال وقال بحده:يالله بنرجع

قامت ومشت معاه وهي ضامه
شنطتها لصدرها..
كان يسرع في خطواته وهي تحاول تجاريه وهي عارفه ومتأكده إنه معصب وهالليله مارح تعدي ع خير..من حدة نظراته وحواجبه المعقوده..

أول مادخلوا للبيت وقفهابصوته
الحاد:وقفــــي

وقف قلبها من حدة صوته حاولت تستجمع قوتها ولفت تناظره بقوه تحاول ماتبين خوفها..

ماتدري كيف وصل لها بهالسرعه
بس اللي تحس فيه هو أصابعه
اللي حستها بتهشم عظام ذراعها من قوتها..وصوته الغاضب:أنا ماقلت مابي أهلي يعرفوا شئ عن اللي بيننا ماتفهمين..

قالت باحتقاروقوه وإيدها تالمها
:ريــــم عارفه إني ماأطيقك ولا تطيقني فماله داعي أمثل دور العاشقه ..

شافت عيونه تظلم وعرق برقبته ينشد ظل ساكت يناظر فيها وسهام نظراته تخترقها..

قال بصوت حاد وغاضب:
والله يالميس لو أسمعك فاتحه
فمك بكلمه لها عن شئ بيننا لأسود عيشتك وأعلمك كيف تكسرين كلمتي سامعه..

ماردت عليه لأن إيدها تحسها
بتنكسر من قوة ضغطه ودموعها تحرق عيونها..

دفها بعيد عنه وقال:أنا حذرتك ..

طلع من البيت وهي راحت لغرفتها تحارب دموعها...

************

جالسه ع سريرها وإيدها تلعب بخصل شعرها وشارده ..تفكرفي الموقف اللي صارلها في عزيمة أم ماجد.....

/ البنات كانوا جالسين ضحك وسوالف وإستهبال وتاخذه الذكرى للميس ويشتاقوا لها..

ريم تحاكي سديم:قومي شغلي
شئ برقص..

سديم:ههههه شعندك

ريم تهز كتوفها:فيني طاقه بطلعها وأبي أرقص

ضحكت سديم وشغلت شريط
طقاقات وعلت الإستريوا

ريم نقزت وربطت الطرحه ع خصرها وبدت ترقص..والبنات يصفقوا لها وميتين ضحك ع رقصها..كانت ترقص بدلع وتميل خصرها لهم وتقلب ترقص مصري وأجنبي والبنات فاطسين ضحك عليها..

دخلت أم ماجد عليهم تنادي سديم اللي مانتبهت لها ترقص ومعطيه الباب ظهرها والصوت كان عالي..

قامت لها وقالت:هلا خالتي بغيتي شئ

أم ماجد:هلا حبيبتي..الله يرضى
عليك روحي شوفي القهوه خلصت وإلا لا وقولي للخدامه تحط فيها من الزعفران ..سديم
ماعطتني وجه..والرجال يبون قهوتهم

ضحكت:شدعوه خالتي مانتبهت لك..اللحين أنا أروح أشوفها

طلعت للمطبخ ومالقت الخدامه
ابتلشت وقعت تدور في الدواليب

دخل للمطبخ بسرعه كان مستعجل بياخذ القهوه للرجال وماكان عارف إن بيكون فيه أحد
في المطبخ غيرالخدامه..

مانتبه لها لأنها كانت بجهه بعيده عن الباب وفاتحه الدولاب ومغطي وجهها..

لف لماسمع صوت ناعم معصب:الله ياخذها هالخدامه وين حطته ياربيييه بلشه وينك وينك..

ع باله إخته سديم ..كانت فاكه
شعرهاولابسه تنوره قصيره
بقصه حلوه وبلوزه ناعمه نص كم وماكان طالع منها إلا شعرها وجسمها ووجهها مغطيه الباب..

كان بيتكلم بس سكت لما شهقت وهي تلف وبإيدها الزعفران:أخير لقيتــــه

انصدمت وطاح من إيدها ع الأرض لماشافت ماجد معاها في المطبخ..

ماجد تنح لماشافها ..نزل راسه وطلع بسرعه من المطبخ..

إيدها ترتعش ووجهها قلب ألوان
وعيونهاغرقت دموع..

دخلت الخدامه وشافت شكلها انفجعت:داليا إيش فيه

أخذت الزعفران عن الأرض وعطته الخدامه وقالت بصوت مرتجف:جهزي القهوه

طلعت من المطبخ ووقفت ماسكه قلبها..

طلعت أمل وشافتها واقفه عند باب المطبخ
:داليا شفيك

داليا نزلت دموعها وبكت ..انهبلت أمل وسحبتها ودخلتها غرفه وسكرت الباب:شفيك

داليا بين دموعها وإرتباكها:مـ...ماجد

أمل عقدت حواجبها.:شفيه..(شهقت)لايكون شافك بعد..

داليا غطت وجهها:ا..ايه

أمل انفجرت تضحك:ههههههههههههههههه

داليا عصبت وضربت كتفها:ليــــه الضحــــك

أمل:هههههه أضحك عليك ماتطيحين إلا في ماجد ولابعد في المطبخ ههههه

داليا:تعقدت من المطبخ وكرهته

أمل بخبث:أخاف إنه قيس وأنتي ليلى

أخذت الخداديه ورمتها ع أمل:بايــــخه..)

قطع ع داليا تفكيرها دخول أمها :تعالي تقهوي أبوك وأخوك وزوجته في الصاله

عفست وجهها لأنها كرهت القهوه والزعفران والمطبخ بكبره بعد المواقف المحرجه اللي صارت لها...

***********

في باريــــس

كانت جالسه في الصاله عليها بيجامه بيضاء حرير ورافعه شعرها شنيون وفي إيدها كوب نسكافيه سرحانه وتطالع البخار اللي يتصاعد منه...

حست فيه واقف ع مدخل الصاله يناظرها..

رفعت راسها ناظرته بوجه جامد..شافت ذيك النظره الغريبه اللي تلمع في عيونه..

أبعدت نظراتهاعنه ...

رعد:جهزي الشنط بنسافر

لميس نست نفسها وقامت بفرحه:بنرجع..متى

عقد حواجبه بضيق وقال بحده:بكره

مشى يصعد فوق وهويكمل:انبسطي

لميس ميته فرح..أكيد بنبسط وبفرح آخيرا برجع وبفتك من الوحده والغربه وارتاح من مقابله وتجريحه..

مشت في البيت بسعاده وطلعت للبلكونه ..حست بضيق
لأنها ماشافت شئ في باريس غيرالحديقه..لكن تحول شعورها لسعاده لمجرد إنها بترجع بكره إشتاقت لريم ورغد والبنات وعمها وفيصل وعادل إشتاقت لهم كثير....

سمعت صوته خلفها:يالله بنطلع

لفت وناظرته بقهر يعني ياحبسها وإلا يطلعها ويرجعها تنزف جروحها:ماني طالعه..

ناظرها وتكتف:وليه إن شاءالله

لفت وعطته ظهرها وقالت:ماني ناقصه جروح وتشكيك ..إطلع بروحك..

حست فيه خلفها وإيديه ع أكتافها لفها ناحيته وركز عينه بعينها..

بردت أطرافها وقلبها يدق بقوه ماهي قادره تشيل عينها عن عيونه وآآآآآه من عيونه..
وكأنها المغناطيس وعيونها الحديد..فيها سحر يلخبطها يجمد كل خليه فيها..

حست بضغطه ع أكتافها وحاجبه ينعقد ونظرته قست وقال:والله عاد ع حسب أخلاقك وإحترامك لنفسك قبلي..
ثانيا لماأحاكيك ماتعطيني ظهرك
ولا تعاندين يالخلوقه

قال كلمته الأخيره بسخريه قويه

شالت إيديه عنها بقوه وقالت بسخريه:تاركه الأخلاق والإحترام لك يالخلوق

قالت كلمتها الأخيره بنفس طريقته...

خافت من نظرته لكنه صفق وقال باستهزاء:لا ا ا ا برافوا
والله وتعرفين تردين...

ناظرته باحتقار:ومنكم نستفيد

مشت وبتدخل لأن نظرته خوفتها
وكانت عارفه إنه مارح يتركها..

حست بإيده تسحبها للدرج..

آلمتها إيدها تحس أظافيره إخترقت عظامها..

دفها ع الدرج وقال بغضب وواضح إنه ماسك نفسه لا يصكها كف:إنقلعي إجهزي دقيقتين وأشوفك قدامي وإلا والله لأعلمك كيف ترادين ..

قامت وصعدت فوق بسرعه..حمدت ربها إنه ماذبحها بس إنبسطت لأنها رفعت ضغطه
جهزت بسرعه ونزلت.....

***********

تسوقوا بالأسواق وإشتروا هدايا
لأهله وهي كانت ملتزمه الصمت

خلصوا متأخر وراحوا لمطعم
يتعشوا فيه......

ماأكلت ونفسها منسده عن الأكل تبغى تطلع ماتبغى تجلس معاه دقيقه وحده

لفت وجهها للزجاج المطل ع الشارع وسرحت...

نزل المطر وبدأت قطرات المطر اللي تكونت ع الزجاج..

لميس انتبهت للمطر كان روعه
إبتسمت تطالع المطر..وكان عيون رعد تراقبها..

شافت ولد وبنت يركضوا تحت المطرويضحكوا..

تذكرت عادتها هي ورامي في بريطانيا لماينزل المطر يركضوا
تحت..تذكرت شكل رامي وهو
يركض بسمته..ضحكته..شعره المبلل.. فجـــأه..اختفى من نظرها..وشافت نفسها وحيده..
إختفت إبتسامتها وبان الحزن في عيونها..

رعد إستغرب لماشاف إختفاء
إبتسامتها..ولمعة الحزن في
عيونها..

نزلت عيونها وحست برعد يناظرها..ماناظرت فيه وقالت بحزن تحاول تخفيه:أبي أطلع من منها..

وقفت وأخذت شنطتها..

سمعت صوته الحاد:إجلسي

رفعت عيونها وقالت:مابي أبي أطلع

لماشاف عيونها قام بهدوء ودفع الحساب وطلعوا ركبوا السياره ورجعوا للبيت....

****************

دخلت للصاله :رعد بيرجع بكره

ريم نقزت بفرحه:واللــــه

فيصل:غريبه مويقول بيروح لبريطانيا

رنا تطالع المجله اللي في إيدها بسخريه:مين يقدر يسافر وعنده هالعله

ريم عصبت:إحترمي نفسك

رنا:أنامحترمه نفسي..

فيصل بغضب:مره محترمه نفسك إذا ماعندك حكي تقولي تسكتين أفضل

حقرته وشالت مجلتها وطلعت

عادل جالس قدام التلفزيون يلعب بلاي ستيشن:اللحين رنا ليه تكره لميس

ريم بدون نفس:إختك من متى تحب أحد ماتحب غيرنفسها

عادل:حرام عليها لميس حبوبه ولاشفنا منها شئ

ريم:أيوه عاد اللي تسمعك لاتعب نفسك بس معاها

***********

في باريس

طلعت لميس متجهزه من غرفتها وميته من الوناسه

نزلت تحت وجلست تنتظر رعد ينزل..وعينها ع الساعه..

سمعت صوته:يالله

التفتت شافته واقف لابس بنطلون جينز أزرق وتي شيرت أخضر..

إبتسمت غصب من فرحتها وقامت:أوك

أخذت شنطتها وسمعته يقول:أشوف النفسيه متغيره والإبتسامه تشق الحلق كله علشان بترجعين

لميس:أكيد دامني برجع للي يحبني ويحترمني

ضاقت عيونه بضيق وقال بسخريه:أكيد طبعا إشتقتي للحبيب القلب

إنصدمت ومشت تاركته وهي تفور غضب ومادرت إن بسكوتها زادت النار حطب..

***********

في الطيــــاره..

لميس ورعد ساكتين..مرالوقت
والهدوء عام بينهم..ملت وطفشت والتفتت لرعد شافته
يطالع الكرسي اللي قدامه وباين إنه سرحان ويفكر..جاهافضول تعرف بإيش يفكر

ناظرت وجهه كان معطيها جانب وجهه وعيونه مركزه ع الكرسي..

شافته يعقد حاجبه وزاد فضولها
تبغى تعرف الشئ اللي يفكر فيه ومتعمق فيه كذا..تحسه غامض ..

انتبهت ع عيونه الناعسه العسليه متعلقه في عيونها..

نزلت نظرتها ولفت وجهها وتحس بحرارة في وجهها سبت
نفسها ..اللحين بيروح تفكيره بعيد..

صارت تحرك إيدها بضيق وربكه

تعلقت عيونها ع الإسواره الناعمه اللي عليها..كانت من أخوها رامي لماسافر للرياض جابها لها هديه وسرحت..

(رامي:Close your eyes

لميس:Whay

رامي باصرار:Clooose it

لفت وجههابعناد:مارح أغمض
أخاف يطلع في وجهي صرصور
مثل المره اللي فاتت

رامي بضحكه:No it not

لميس بنص عين:وإذا صار صرصور ترى ياويلك..I will kill you

مسكها من كتوفها ولفها وصار
خلف ظهرها:غمضــــي

بخوف:رامي ياويلك..ترى بزعل

رامي:هههههه غمضي يالله يادلوعه

غمضت عيونها بخوف..ورامي طلع الإسواره ورفعها قدامها:Open it

فتحت عيونها ببطئ ولماشافتها صرخت بفرحه..

رامي:ههههههه مو صرصور

لميس أخذتها بفرحه:تجنن هذي لي

رامي:لا للخدامه..طبعا لك

ضحكت وأخذها من إيدها ولبسها إياه..حركت إيدها ولمعت الإسواره بنعومه عليها

قالت والإبتسامه ع وجهها:مرره حلوه

ضمته ودمعت عيونها:الله يخليك لي ولايحرمني منك

رامي:ههههه It just bracelet

لميس رفعت راسها تناظره:صحيح إسواره بس تسوى الدنيا ومافيها وأغلى هديه..الله لايحرمني منك

رامي:ولامنك

بعدت عنه وناظرت في الإسواره :بس شكلها غالي مره

ضحك:طبعا الغالي للغالي

كانت سعيده في هاللحظه ..كانت تشوف في عيونه..الحب..الحنان..الخوف..

كانت تشوفه الأبو والأخو والصديق..

غرقت عيونهادموع وكتمت شهقتها..إشتاقت له ..إشتاقت
لكل شئ فقدته بعده..

فجــــأه إهتزت الطياره بقوه..
شهقت وضمت ذراع رعد ودفنت وجهها بكتفه وقلبها تحسه بيطلع وجسمها يرتجف..

رعد تجمد بصدمه ولاقدر يتحرك كأنه خايف إذا تحرك تبعد عنه..

لماهدأت الطياره..انتبهت لنفسها
لما شمت ريحة عطره وفتحت عيونها رفعت راسها عنه بسرعه والتقت عيونهابعيونه..

رعد يناظر عيونها اللي كأنهابحر من الدموع..(آآآه ياهالعيون اللي معذبتني).

بعدت عنه ووجهها قلب أحمر

رعد بصوت دافي صدمها:لا
تخافين مطبات هوائيه.

لميس بارتباك من عيونه قبل
صوته:ما...خفت

رعد ناظرها ماتعرف تكذب..ولف وجهه لماجت المضيفه و
معاها عربه فيها مشروبات وساندويش

رعد:ماتبغين شئ

لميس حركت راسها بلا ولفت
وجهها عنه..

أخذ له عصير وساندويش وأكلهم وهو يقرا الجريده..

**************

دخل للبيت وشاف أهله جالسين في الصاله..

جلس معاهم بعد ماباس راس أمه وأبوه..

سولف معاهم شوي..وهو يفكر بالموضوع اللي يبغاهم فيه..وينتظر أخواته يطلعوا ويصير لوحده مع أبوه وأمه..

أمه حست إنه يبغى شئ وقالت
للبنات يساعدوا الخدامه ويحطوا الغدا..

لماطلعوا سكت شوي وهو مرتبك مايدري كيف يقولهم..ظل أيام وتفكيره منشغل في الموضوع وتعب من التفكير يبغى يسوي اللي قرره ويريح عقله وقلبه...

أم ماجد:ماجد شكلك عندك شئ بتقوله

ماجد رفع راسه:أيوه فيه

ترك أبو ماجد الجريده وناظره:قول يبه

ماجد مرتبك:أنا قررت أتزوج..

**************